Описание
«Тәҗрибә - үсешкә баскыч!»
«Идел»нең октябрь санын шул темага багышладык. Бу санда төрле өлкәдә эшләүче, бертуктаусыз үсештә булган яшьләр үзләренең тәҗрибәләре белән уртаклашты. Мәсәлән, эстраданың яшь йолдызы Ислам Кәлимуллин җыр сәнгате турында, Кариев театрының яшь артистлары театр тормышы, Лилия Гыйбадуллина шигърият, композитор Ильяс Камал музыка сәнгате турында сөйләде.
Даими чыгып килүче рубрикада яшь иҗатчы Нияз Мөбарәкҗанның киенү стилен күзәттек, Рәдиф Кашаповтан татар җырларын башкарыр өчен гитара аккордларын сорадык.
«ФәнниLab»та сезне астрология дөньясы турында мавыктыргыч язма көтә – КФУ профессоры, астроном Юрий Нефедов космос белән кеше арасындагы бәйлелек турында сөйләде.
«Идел»нең әйдәп баручы рубрикасы - әдәбият. Бу санда сезне яңа авторлардан шигырьләр һәм классик шагыйрьнең беренче әсәренә фәнни күзәтү көтә.
Шулай итеп, яшьләр журналы яңаруын – үзгәрүен дәвам итә. Сездән тагын да шәбрәк тәкъдимнәр көтеп калабыз!
